Plantun de Prouvènço

Pèr coumpara dos planto d'encò nostre

Ranunculus flammula & Sisymbrium officinale

Douvo

Ranunculus flammula

Ranunculaceae

Àutri noum : Flamaduro, Tarbèro.

Noms en français : Petite Flamme, Petite Douve.

Descripcioun :
La douvo o flamaduro es un ranouncle rare au nostre, mai poudèn pensa, coume èi bèn couneigudo, que devié èstre mai coumuno à passa tèms. Trachis en ribo de palun, dins li tourbiero e li prado forço umido, relarg que s'apichounisson aro. Fai partido dóu group de ranouncle qu'an de fueio entiero emé dos meno diferènto : aquéli de la rouseto an un pecou e li de la cambo n'an quàsi ges. La varieta de Prouvènço ié dison flammula.

Usanço :
Coume tóuti li ranouncle, es uno planto empouisounanto. Se la tastas vous brulo coume lou fiò la bouco (d'aqui soun noum). Se dis qu'èi forço marrido pèr li fedo que s'ataquarié au fege (counfusioun emé la douvo dóu fege ?).

Port : Erbo
Taio : 20 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) enflourejado : 8 à 15 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun
Mai à setèmbre

Liò : Prado umido - Tourbiero - Palun - Mueio
Estànci : Coulinen à Mountagnard
Couroulougi : Bourealo
Ref. sc. : Ranunculus flammula

Erbo-au-cantaire

Sisymbrium officinale

Brassicaceae Cruciferae

Noms en français : Herbe aux chantres, Sisymbre officinal.

Descripcioun :
L'erbo-au-cantaire es uno planto peludo coumuno que trachis dins lis ermas, au bord di camin e dis oustau. Se destrìo dis àutri Sisymbrium qu'a ges de bratèio dins l'enflourejado e que li boudousco (< 2 cm) rèston contro la cambo.

Usanço :
Es uno planto vertuouso pèr sougna la pèu e si plago e lucha contro soun vieiimen coume li rufo. S'emplego peréu contro la perdo de voues. Aro èi caupudo dins de poumado e d'òli pèr la pèu.

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Sisymbrium
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ - Camin
Estànci : Termoumediterran à Coulinen
Couroulougi : Pancaro entresigna
Ref. sc. : Sisymbrium officinale (L.) Scop., 1772

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Ranunculus flammula & Sisymbrium officinale

ges

Coumpara Douvo emé uno autro planto

Coumpara Erbo-au-cantaire emé uno autro planto